ഒറ്റക്കണ്ണന്റെ വെട്ടത്തില്,
വര്ഷത്തിലൊരു വട്ടം
രണ്ടു നേരമായ് കേള്ക്കുന്നോരോക്കാനം.
"ഫോര്മാന് വിജയനല്ലേയത്?
തെക്കോട്ടേക്കു കെട്ടിയെടുത്തില്ലേ ഇനിയും?"
കാംബോസിന്റെ ശാപം ഉച്ചത്തിലാവുമ്പോള്
ഓര്മ്മ ചികയും, ഓ! ഇന്നു തിരുവോണമാണല്ലോ?
പായസം കഴിച്ചതിന് പഞ്ചാര പോകാന്
വായില് കയ്യിട്ടു ശര്ദ്ദിക്കുന്നതുച്ചക്കും,
പ്രാവസത്തിലെ ഋച്ഛകക്കേടെല്ലാം തീര്ക്കാന്
മോത്താറാമിന്റെ റൂമീന്നു റമ്മു കേറ്റി
വാളു വെക്കുന്നതു സന്ധ്യക്കും.
പക്ഷെ വര്ഷത്തിലൊറ്റ വട്ടമേയുള്ളൂ സാര്,
അന്നാണെന്റെയും തിരുവോണ നാള്,
വളിച്ചൊരോണസദ്യയുമായി മൂന്നു മണിക്കു വൈകി,
"സല്ക്കാര"യിലെ ബാറുവാലയെത്തുന്ന ദിനം.
-----------------------------------------------------
ഓ,ടോ
ഓണപ്പതിപ്പുകാര് (ബ്ലോഗിലെ അല്ലട്ടോ!) തിരസ്കരിച്ച ഈ കവിതക്കു പകരം മുക്കുറ്റിപ്പൂവു കൊണ്ടു ചെമ്പകത്തിന്റെ നിറമുള്ള സുന്ദരിമാരിട്ട ഒരു പൂക്കളം കാണാന് പട്ടുടയാടകളണിഞ്ഞു ചന്ദനമെതിയടിയില് കയറി ഓലക്കുടചൂടി വരുന്ന ഓണത്തപ്പന്റെ പതിനാലു പര്യായങ്ങള് ലയിപ്പിച്ച ഒരു “കാവ്യം” എഴുതിയയച്ചു കൊടുത്തു.അവര്ക്കു സന്തോഷമായി...!
-----------------------------------------------------
56555
